Laal Saari

Woh toh accha hai ki maine sirf tumhare photo hi dekhi thi. Agar me tumhe face to face dekh leta tab na jane kaise aapne-aapko sambhalta. Us din tum us laal saari me khoobsurat se badhkar aur hi kuch lag rahi thi. Us par tum par woh bindi jo tumhare na jane kis tarah se nikhar rahi thi ki me toh ek pal ke liye khoo hi gaya tha uske laal rang me.
Badi mushkil aapne aapko is kabil banaya ki tumhare us roop ko dekhle.
Shaadi ke joode me woh dulhan se tum.. Bas ekk muskan aur sharmane ki kami thi…Akhir me kya bolu isse acchi tum hamesha hi lagti ho…tum ho hi itni acchi , ke har baar eksi lagti ho…

I am sorry as I spoiled your Day!

Mujhe pata hai ki tumhara kitna mann tha mujhse milne ka par me tumhe kaise batau ki tumse bhi zyada me chahata tha ki hum fir se 2 saal badh mile. Me tumse milne ke liye itna excited tha ki 45 min pehle jakar tickets book karae aur fir buddhu ki jaise waha khada tumhara intezaar kar raha tha. Jaise jaise tumhare ane ka samay kareeb araha tha waise waise hi me nervous hota ja raha tha, kuch samajh nahi araha tha ki kaise tumhe face karu, kya baat karu?
Par jaise hi tumhe aate hue dekha sabse pehli cheez jo mujhe fir se 11th ke time laut ke le gae woh thi tumhare muskaan. Us samay sach me mai blank ho gaya tha bas toot ke bikharne hi wala tha ki tum baccho jaise hans di aur ushi ne mujhe sambhala. Me chahata tha ki tumhe kaske hug karlu par fir….
Mujhe pata tha ki abh me pehle jaisa nahi raha hu. Woh 11th wala chanchal ladka abh college wale ladke me tabdeel ho gaya hai. Me bas aaj tumhe khush dekh kar mann hi mann santusht ho raha tha. Baki bachi kasar hamare favourite Subway ne nikal hi di thi.
Aaj sache me tumhare sath jo samay bitaya tha woh meri zindigi ka us 11 th wale Christmas ke badh ka sabse accha din tha. Abhi bhi yeh hi afsos hai ki me apni taraf se tumhe khush nahi kar paya. Haan me maanta hu ki me pehle jaisa nahi raha.
Aaj tumhare hi yaad dilane se mene fir se aapne past me jakar khud ko kareeb se jana. Bas abh yeh wada karta hu ki abh agli baar se mujhe koi haq nahi hai tumhara din kharab karne ka.
Agar aglibar kabhi hum fir se mile toh me wada karta hu ki fir se woh hi 11th wala banke hi tumse baat karunga aur hum fir se waise hi masti karenge. Aur haan yaad rakhna aapne gol-gappe abhi bhi due hai. And I am really very sorry meri pic sach me acchi nahi aati isliye hi me post nahi kar raha.Aur haan me yeh bhi confess kar deta hu ki tumhare achanak se hi gayab hone ke badh me tumhare ghar pe dekhne bhi aya tha ki tum waha ho ya nahi.
Aur akhir me firse please please mujhe maaf kar dena me bilkul nahi chahata tha ki kuch bhi esa ho jis se aaj tum itna upset ho.

Shaadi Ki Baat

Aaj achanak na jane kyu man me aya kyu na shaadi ki baat cheedi jae… Toh ese baat pe amal karte hue humne bhi bina kisi soch-vichar kare hue unse pooch hi liya ki hum shaadi karne ko utawle ho rahe hai…….
Abh pooch toh liya tha par baad me yeh laga ki kahi galat time pe kuch galat baat toh nahi poochle… Par abh pachtane se kya hota..galti se hi sahi par bol toh diye hi the.
Lekin akhir me hua bilkul vipreet…..
Woh boli ki mujhse shaadi karoge. Ek pal toh esa laga ki jaise sare sapne haquikat me tabdeel ho rahe hai… Us pal toh mujhe maut bhi manzoor thi. Matlab bas esa lag raha tha ki bas abh kuch bhi baki nahi raha zindgi me …  Par is baat pe thoda khule daag se soochne par aur khud ko samjhane par yeh nishkarsh nikala ki woh apne bholepan me shaadi ke liye keh rahi hai…. Meri saari iccha us samay is kathor sath ke samne haar gaye thi..
Fir bhi dil me kahi thodi se ummed thi ki woh shayad sach me hi hamse shaadi karne ke liye tayaar ho… Toh issi baat ko pakka karne ke liye humne fir se unse pooch hi liya ‘Kahi aap sach toh nahi bol rahe thi na?’

Bas abh unke jawab ka intezaar hai…………….

Aasan nahi..

Tum jitna aasan samajhti ho utna bhi asan nahi hai yeh sabh kuch. Koi kaise itni aasani se aapno ko dil se nikal sakta hai. Ek tum hi toh thi jo meri haar khushi-gam sukh-dukh me saath hoti thi….fir kaise aaj tumne itni asaani se keh diya ki bhul jao mujhe…
Mana ki tumhi  meri aashiqui thi aur hamesha rahogi…. Mujhe koi takleef nahi hoti tumhe bhulane me agar tum meri zindigi mee iskadar shamil na hoti.  
Wada toh nahi karta paar puri koshish karunga ki tumhe aasani se bhula du…. is darde dil pe patthar jo rakh liya hai…